24h購物| | PChome| 登入
2017-04-26 14:40:34| 人氣22,910| 回應6 | 上一篇 | 下一篇

春天後母面

推薦 13 收藏 1 轉貼0 訂閱站台



刊載於「海翁台語文學雜誌」第184期（2017.04）p.80-81
　
後母就是『繼母』，繼母是北京話。也就是講春天天氣親像後母隨時會變面，當然啦，那變面前人囝就麻煩啦！
　
現今的時代，這種講法敢若對後母無尊重，不過自古以來不管是後母或者是『繼母』這位，就是一个相當予人難以稱職的稱呼。
　
台灣俗諺說：「別人的母袂疼別人的囝！」相對的彼句就是：「別人的囝袂友孝別人的老母。」
　
了解無？後母閣卡優秀閣較慈祥，佮前人囝中間多少猶是會有一層的隔膜存在，這是人性嘛是人之常情。
　
家己的生母再安怎修理家己生的囝仔，天總是袂塌落來。但是，若是後母盡職教示前人囝，彼就不止是天塌落來而已！
　
古早安呢，現今嘛是如是，甚至更加嚴重！
　
春天的天氣變化，就親像囝仔看待後母變臉彼一般，烏陰出日反面無常，真正是掣咧等！
　
前幾工，屏東氣溫強欲超過三十度，阮後生規工干焦內衫而已，哪知昨日透早變天，平地起風飛沙親像沙塵暴一般，到了中晝又閣落一陣小雨。
 
下晡雨停風息出門一看，偌大的花盆攏吹翻倒在地，巷子內全是毋知何處飛來的落葉，這——這敢無親像後母咧變面？
　
日頭落山了後，氣溫綴咧急降，真正是穿衫的速度綴袂著脫衫的緊速！
　
莫怪人講：「未食五月粽，破裘毋通放。」厚衫亦是愛隨時備便，食過五月粽了後天氣才會穩定吧！
　
透早上班的時陣，雲低烏陰氣溫才十三度，十點左右突然間雲開出日，雖然雲層消散天蓋一遍的深藍❶，但是海風吹來猶原是冷吱吱，這欲佗一種天氣咧？
　
窗仔外的海面平靜祥和日光嘛真燒烙，凡勢氣溫欲開始回升了，但是海風吹來嘛是淡薄仔冷。
　
春天毋是後母面？過兩工凡勢會霆雷公喔？這雷公霆就有蹊蹺了，這時陣做一个動會當予囝仔生較懸一點仔！
　
序大曾經講過，春雷若響掠囝仔的頭往上搝幾擺，將來囝仔會長底懸大❷！
　
嘿！這是真的喔！阮後生就比阮懸過一粒頭喔！
　
❶天蓋一遍的深藍：天像蓋子一樣，一遍深藍色。
❷長底懸大：長得高大。
　
刊載於「海翁台語文學雜誌」第184期（2017.04）p.80-81

我要檢舉
台長： Tellme

您可能對以下文章有興趣

人氣(22,910) | 回應(6)| 推薦 (13)| 收藏 (1)| 轉寄
全站分類: 攝影寫真(作品、技術、器材) | 個人分類: 台語方言系列 |
此分類下一篇:【台語方言】節氣佮實景
此分類上一篇:大雪袂寒

(悄悄話)
2017-04-27 08:03:50
新聞台Blog小天使
親愛的台長︰
　　恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
2017-04-27 14:36:29
新聞台Blog小天使
親愛的台長︰
　　恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
2017-04-27 15:11:16
(悄悄話)
2018-11-10 14:29:10
(悄悄話)
2019-01-22 14:18:34
(悄悄話)
2019-01-23 16:18:55
我要回應 本篇僅限會員/好友回應，請先 登入
TOP
詳全文